ПАЛАЖЭННЕ
аб парадку правядзення раённага этапа
фестывалю народнай творчасці «Сузор’е»

1. Арганізацыя фестывалю

1.1. Палажэнне аб парадку правядзення раённага этапа фестывалю народнай творчасці «Сузор’е» (надалей – палажэнне) распрацавана ў сувязі з правядзеннем гарадскога фестывалю народнай творчасці «Сузор’е» (2020-2021 гг.) адпаведна рашэнню Мінскага гарадскога выканаўчага камітэта ад 20 кастрычніка 2016 года № 3115 «Об утверждении перечня городских фестивалей, конкурсов, форумов, праздников и пленэров, финансируемых из местного бюджета» і Кодэкса Рэспублікі Беларусь аб культуры (артыкул 250).

1.2. Палажэнне вызначае мэты і задачы фестывалю, парадак, умовы яго правядзення, падвядзенне вынікаў і заахвочванне ўдзельнікаў фестывалю.

1.3. Арганізатары раённага этапа фестывалю народной творчасці (надалей – фестываль):

• адміністрацыя Савецкага раёна г. Мінска;
• Савецкая раённая г. Мінска арганізацыя рэспубліканскага грамадскага аб’яднання «Белая Русь»;
• Савецкі раённы камітэт грамадскага аб’яднання «Беларускі рэспубліканскі саюз моладзі»;
• Савецкае раённае г. Мінска аб'яднанне арганізацый прафсаюзаў.

1.4. Арганізацыю фестывалю забяспечваюць:

• упраўленне ідэалагічнай работы, культуры і па справах моладзі Савецкага раёна г. Мінска;
• упраўленне па адукацыі адміністрацыі Савецкага раёна г. Мінска.

1.5. Фестываль праводзіцца ў мэтах:

• павышэння сацыяльнай ролі і мастацкага ўзроўню народнай творчасці, яе ўплыву на развіццё грамадскай і працоўнай актыўнасці насельніцтва Савецкага раёна горада Мінска (надалей – раён);
• шырокага далучэння працоўных, служачых, моладзі, падлеткаў, дзяцей да заняткаў народным мастацтвам;
• развіцця ў працоўных калектывах, навучальных, культурна-асветных і ўстановах дадатковай адукацыі, самадзейных калектывах розных відаў і жанраў народнага мастацтва, гурткоў, студый, майстэрняў, аб’яднанняў па інтарэсах;
• арганізацыі вольнага часу жыхароў раёна;
• абагачэння рэпертуару аматарскіх калектываў творамі народнага мастацтва, беларускіх аўтараў, лепшымі ўзорамі айчыннай і сусветнай мастацкай культуры;
• павышэння ўзроўню выканаўчага майстэрства і сцэнічнай культуры калектываў народнай творчасці;
• стварэння спрыяльных умоў для развіцця творчай дзейнасці ў самадзейных мастацкіх калектывах, супрацоўніцтва майстроў прафесійнага і аматарскага мастацтва;
• падтрымкі творча адораных выканаўцаў, кампазітараў, балетмайстраў, хормайстраў, рэжысёраў і іншых майстроў самадзейнага мастацтва.

1.6. Па выніках фестывалю лепшыя калектывы, асобныя выканаўцы, кіраўнікі калектываў узнагароджваюцца дыпломамі, каштоўнымі падарункамі.

1.7. Арганізатары і партнёры фестывалю маюць права вызначаць спецыяльныя прызы для ўдзельнікаў фестывалю.

1.8. Пераможцы фестывалю будуць рэкамендаваны для ўдзела ў гарадскім заключным канцэрце, у рэспубліканскіх і міжнародных фестывалях і конкурсах.

1.9. Інфармацыйную падтрымку фестывалю забяспечвае ўпраўленне ідэалагічнай работы, культуры і па справах моладзі.

2. Умовы і парадак правядзення фестывалю

2.1. У фестывалі прымаюць удзел асобныя выканаўцы і калектывы, якія не маюць ганаровых званняў «народны», «узорны».

2.2. Узрост удзельнікаў фестывалю не абмежаваны.

2.3. Удзельнікі фестывалю прадстаўляюць:

• у вакальным, інструментальным, харэаграфічным, арыгінальным жанрах – адзін-два творы працягласцю да 4-х хвілін кожны;
• у мастацкім чытанні, тэатральнай мініяцюры – адзін твор працягласцю да 4-х хвілін;
• паказ калекцыі дызайна і пашыву адзення - да 4-х хвілін;
• у выяўленчым і дэкаратыўна-прыкладным мастацтве – да 5-ці твораў аднаго аўтара.

2.4. Фестываль праводзіцца ў два этапа:

2.4.1. Першы этап (адборачныя туры) - да 25 сакавіка 2020 года. Каардынатарамі з’яўляюцца арганізацыі раёна.

2.4.2. Другі этап (раённы прагляд) праводзіцца з 1-га па 30-га красавіка 2020 года. Каардынатарам з’яўляецца ўпраўленне ідэалагічнай работы, культуры і па справах моладзі.

2.5. Для правядзення другога этапа фестывалю ствараецца журы (па жанрах), якое падводзіць вынікі фестывалю, прапаноўвае кандыдатуры яго ўдзельнікаў да заахвочвання і складае праграму заключнага канцэрта фестывалю.

2.6. Пры ацэнцы выступленняў журы улічвае:

• узровень выканаўчага майстэрства;
• складанасць рэпертуару;
• сцэнічнасць;
• рэжысуру нумароў і праграм;
• музычнае і пластычнае суправаджэнне.

2.7. Пры ацэнцы твораў выяўленчага і дэкаратыўна-прыкладнога мастацтва журы ўлічвае:

• мастацкі ўзровень выставачных твораў;
• умелае спалучэнне элементаў традыцыйнай творчасці з культурай гарадскога асяроддзя;
• эстэтычна развіты мастацкі густ;
• экспазіцыйна-тэматычнае рашэнне;
• ужыванне новых тэхнік і тэхналогій;
• адраджэнне і развіццё беларускіх нацыянальных рамёстваў;
• выставачную і грамадска-карысную дзейнасць.

2.8. Пры ацэнцы калекцый дызайна і пашыву адзення журы ўлічвае:

• мастацкі ўзровень;
• арыгінальнасць творчай ідэі, майстэрства выканання;
• канструктывізм;
• паўната раскрыцця тэмы;
• сцэнічная культура;
• музычнае суправаджэнне.

2.9. У намінацыі фестывалю «Да 75-годдзя Вялікай Перамогі» журы ацэньвае нумары розных жанраў.

2.10. Заяўкі ўстаноўленага ўзору на ўдзел у другім этапе фестывалю падаюцца ад арганізацый (устаноў, прадпрыемстваў), таксама прымаюцца індывідуальныя заяўкі да 26 сакавіка 2020 г. у друкаваным выглядзе ва ўпраўленне ідэалагічнай работы, культуры і па справах моладзі адміністрацыі Савецкага раёна г. Мінска (пр.Незалежнасці, 55, каб. 2; тэл. 347-75-45, тэл/факс 379-08-78, email: sov.cultur@minsk.gov.by).

Дадатак 1. Заяўка на ўдзел у раённым этапе фестывалю народнай творчасці «Сузор’е»

Дадатак 2. Заяўка на ўдзел у раённым этапе фестывалю народнай творчасці «Сузор’е»